இதழியல் துறையில் ஆர்வம் உள்ளவர்கள் செய்திகளை பின் தொடரவும் கூடுதல் தகவல்களை தெரிந்து கொள்ளவும் அவசியம் அறிந்திருக்க வேண்டிய செய்தி தளங்களையும், வளங்களையும், கருவிகளையும் விரிவாக அறிமுகம் செய்யும் இணைய கையேடு இது. இதழாளர்கள் மட்டும் அல்ல, செய்திகளில் ஆர்வம் உள்ள எவருக்கும் இந்த கையேடு பயனுள்ளதாக அமையும். அதோடு, செய்திகளில் கவனம் செலுத்துவதன் அவசியத்தையும் உணர்த்தக்கூடியது.
இணைய செய்தி கையேடு
என்ன?
இணையத்தில் செய்திகளை தெரிந்து கொள்ளவும், செய்தி நோக்கில் செய்தியாளர்கள் அறிந்திருக்க வேண்டிய இணையதளங்களையும் அறிமுகம் செய்யும் கையேடு.
ஏன்?
இணைய பெருங்கடலில் நமக்குத் தேவையான தளங்களை அறிந்திருப்பது அவசியம். தானியங்கி உலகில் கவனமாக தேர்ந்தெடுக்கப்பட்ட பயனுள்ள இணையதளங்கள்.
யாருக்கு?
செய்தியாளர்கள் என்றில்லை, செய்தி அறிதலில் ஆர்வம் கொண்ட எவருக்கும் பயனுள்ள வழிகாட்டி.
என்ன பயன்?
பேஸ்புக்கிலும், இன்ஸ்டாவிலும் செய்திகளை தெரிந்து கொள்ளும் நிலையில், சரியான செய்திகளை அறிந்து கொள்வதற்கான மூல வளங்களை சுட்டிக்காட்டுகிறது.
மேலும்: இணையத்தில் தகவல்களை தெரிந்து கொள்ள கூகுள் மட்டுமே போதும் என்பது மாயை, இப்போது சாட்ஜிபிடி இந்த இடத்திற்கு வந்திருப்பதாக நினைப்பதும் பிழை. தகவல்களை கண்டறிவதற்கான மூல ஆதாரங்கள் நம் வசம் இருப்பது அவசியம்.
மூல பட்டியலும், இணைய செய்தி கையேடும்!
இந்த இணைய செய்தி கையேடு உண்மையில், 8 ஆண்டுகளுக்கு முன், டிஜிட்டல் இதழியல் வகுப்பில் முதுகலை மாணவர்களுக்கான பரிந்துரையாக உருவாக்கப்பட்ட பட்டியல். செய்திகளுக்கான இணையதளங்கள் மட்டும் அல்லாமல், செய்தி சேகரிப்பு நோக்கில் ஆய்வு நோக்கில் பயன்படக்கூடிய தளங்கள், வளங்கள் மற்றும் கருவிகளாக இருக்க கூடிய தளங்களும் பட்டியலிடப்பட்டன. தகவல் சரிபார்ப்பிற்கு உதவும் தளங்களும் இடம்பெற்றன. 8 ஆண்டுகள் ஆகிவிட்ட நிலையில், இந்த பட்டியலை புதுப்பிக்க வேண்டிய தேவை மற்றும் புதிய தளங்களையும், வளங்களையும் சேர்க்க வேண்டியதன் தேவை உணர்ந்ததோடு, இந்த பட்டியலை முழு வீச்சிலான கையேடாக உருவாக்கும் நோக்கத்துடன் இந்த தளம் அமைக்கப்பட்டுள்ளது. முதலில் உருவாக்கப்பட்ட மூல பட்டியலை கீழே காணலாம். இணைய செய்தி கையேட்டில் இடம்பெறும் தளங்களை மேலே உள்ள பகுதிகளில் அணுகலாம்
